FOTOELKARRIZKETA: NONAME TALDEA

Nahikoa da une hori; musika hori, mendi kuttun hori, goizaldeko hamaiketatxo hori, liburu eder hori, ezagutu berri duzun hiri hori, zinemako arratsalde hori, lagunekin hondartzan surfean ibilitako ilunabar hori, marrazketarako une hori eta ikasketen lanekin ari zaren bitartean gordetako une hori. Nahikoa da une zehatz hori gutxirekin asko izateko.

Une zehatz hauekin lotuta, gure hurrengo blogaren sarrera konektatu gabeko foto elkarrizketa bat dugu. Gure taldean bakoitzak bi argazki aukeratu ditugu, non bertan ez gauden “konektatuak” , hau da, ez gaude ez internet, ez mugikor, ez ordenagailu, ez teknologiari erabilpenik ematen.

Hona hemen gure 10 une kuttun horiek:

ZINEMA: Ohiturak ez direla galdu behar eta, asko gustatzen zaigun gauzetako bat zinemara joatea da. Pelikula on batez gozatzea, bizitzan egin daitezken plazer txikien barruan sartzen dugu. Horretaz gain, bakarrik edota konpainian egin dezakezun plan polit bat da.

JANARIA: Nori ez zaio jatea gustatzen? Guretzat janari goxo batetaz gozatzea ere beste plazer txiki bat dela esan dezakegu. Edozein lekutan, ordutan eta konpainia ezberdinean egin dezakegun gauza bat delarik.

LAGUNAK: Argazki honetan magisteritzako lagun batzuk agertzen dira. Lan modularreko ariketa bat burutu ahal izateko elkarri aurpegiak pintatu behar izan genizkion. Nahiz eta hasieran pixka bat lotsatu, besteen iritziak alde batera utzi eta primeran pasa genuen.

KIROLA: Argazki hau udaran Zarautzeko hondartzan ateratakoa da. Aneren lagun batzuk surfeatzen ibiltzen dira eta egun batean berari erakusteko erronka hartu zuten. Ondo moldatu ez bazen ere, egun politta igaro zuten elkarrekin.

MUSIKA: Bizitzak soinu banda du, pertsonek, lekuek, usainek, egoerek, adinak... denok dugu melodia bat eta askotan lekutik mugitu gabe belarrien bitartez, usaintzen dut, hitz egiten dut, mugitzen naiz; denboran bidaiatzen dut.

FESTAK: Bi poltsiko: Dirua eta giltzak. Zakukada jende, irrifar, besarkada eta "aspaldiko!".

IRAKURKETA: Oheratu baino lehen, irakurtzea gustuko dut, orokorrean, loak hartzen nauen bitartean irakurtzeko liburu bat edukitzen dut mesanotxean.

MARRAZKETA: Marrazten oso trebea ez naizen arren, oso momentu onak pasatzen ditut marrazten eta Arte ikasgaian eskatzen dizkiguten lan askok IKT-ekin harreman zuzenik ez dutenez, argazki hau aukeratu dut.

BIDAIAK: 2014ko udara gogoraraziz... kurtso amaierako bidaiaren azken uneak Bruselasen.

NATURA: Izaskungo mendian, igande arratsaldeko giro ederra aprobetxatuz.

Horiek dira gure hamar argazkiak. Gure hamar uneak. Hamar argazki hauetan denetarik ikus dezakezue; gure bidaiak, gure bazkariak, gure marrazkiak, gure zaletasunak, gure aisia, gure deskantsuak,….denetarik.

Baina lan hau egin ondoren ohartu gara, lanaren helburua konektatu gabeko uneak erakustea izan arren, gure mugikor edo argazki kamerak eskuetan genituela une horiek gorde ahal izateko. Hortaz, konturatu gara, gaur egun oso zaila egiten zaigula konektatu gabe bizitzea, kontziente gara ia ezinezkoa dela gaur egungo gizartean konektaturik ez bizitzea.

Gu lehen mailako gizarte batean bizi gara, punta puntako teknologiak gure eskuetan ditugu eta guretzat ohikoak dira. Gure hausnarketan oinarrituta, esan dezakegu teknologia berriek maila sozialak ere desberdintzen dituztetela. Adibidez hirugarren munduko gizartean ez dituzte guk teknologian ditugun aurrerapenak, ez dituzte gure mugikor, ordenagailu, telebista, etab. 

Beraiek ala eta guztiz ere, bizi bat dute, gai dira bizitzeko teknologiarik gabe. Hortaz, esan dezakegu gizarte motaren arabera teknologiaren erabilpena eta dependentzia maila asko aldatzen dela. Gaur egun teknologia berriak lehen mailako herrialdeetan aurkitzen dira eta bertako gizarteko kideek ezin dugu beraiek gabe gure gizarteak markatzen dituen irizpideak jarraitu.

Amaitzeko, teknologia berriek gure gizartean duten eragina ikaragarria da. Alde on eta txarrak ditu, gauza guztiak bezala. Ondorio horien artean, dependentzia, sortzen duten kontrola, intimitate falta eta pertsonen izaeraren aldaketa azpimarratuko genituzke. Teknologia berrien etorkizunari begira jarrita, ez dugu uste soka hau etengo denik, egunetik egunera teknologia aurrerapen handiak erakusten ari da eta konpetentzia asko dagoen mundu bat da, orduan gure ustetan honek indar handiz aurrera egiten jarraituko du. Gure esku dago soka hori luzatzen jarraitzea edo ahal den moduan kontrolatzen jakitea.

Parkea hutsik! Non daude haurrak?

Herriko parkean ez dago umerik; ez oihu, ez algara, ez negar... Ez da ezer entzuten. Isiltasuna da parkearen zaindari, eguzkia goitik begira duelarik. Non daude haurrak? Parkea hutsik dago! Baina zergatik?

Haur guztiak etxian daude beraien nintendo, tablet, play station... gailuekin jolasten. Lagunekin parkera irten baina nahiago dute etxean geratu joku indibidual horietan jolasten. Parke gaixoa...

IRUDIAK PARTEKATUZ IV: Flickr: Jarduera praktikoa

Gelako argazkia: 

"Selfia" irudiak igo eta partekatzeko jardueran

IRUDIAK PARTEKATUZ III: Flickr erabilera gida

Flickerren erabiltzailea sortu eta argazkiak igotzeko argazki gida-album bat sortu dugu. Talde bezala landu dugun gai hau interesgarria iruditu bazaizue sartu jarraian duzuen link honetan:

http://arratecarro.blogspot.com.es/2015/11/flickrre-erabiltzailea-sortu-eta.html

IRUDIAK PARTEKATZEA II: (Gelako praktika)

Irudiak Partekatzea - Praktika Gidoia

IRUDIAK PARTEKATZEA I: 2.ZATIA (Informazioa)

IKTko saioetan irudiak partekatzearen gaia lantzen ari da nire taldea, eta hori dela eta, bildu dugun informazio baliagarria eskura utzi nahi izan dizuegu. Testua 5 zatitan banatu dugu, taldekide bakoitzak bere zatia blogean partekatuz.

Hona hemen nire egokitu zaidan zatia eta jarraian gainontzekoen linkak dituzue gehiago irakurri nahi izanez gero.
  

Ikasgelarako hainbat gomendio:

Lehenik eta behin, gogoan izan behar dugu irudi propioak edo erabilera librekoak baino ez ditugula kargatu edo editatu behar.

Bestalde, webgune jakin batean irudiak kargatu baino lehen, gehienezko tamainari buruzko baldintzak eta irudiei eman nahi diegun konfidentzialtasun-maila hartu behar ditugu kontuan. Tamainari dagokionez, irudia sortu eta editatzeko hainbat programak artxiboen blokeen izena edo tamaina modu automatizatuan aldatzeko aukera ematen du. Hortaz, oso tresna erabilgarriak dira material grafiko ugari erabiltzen denerako.

Gainera, aukera horiez gain, "ahots-hariak" sor daitezke. Tresna honek ingurune multimedia batean eztabaidak izatea eta kargatutako irudiei eta/edo bideoei iruzkinak eranstea ahalbideratzen du. Familiekin eta hezkuntza-komunitateko gainerako kideekin partekatzeko baliabide interesgarria da.

Azkenik, hari gabe konektatzen den gailu eramangarri baten eta ordenagailu baten arteko edukiak sinkronizatzeko eta irudiak gorde eta partekatzeko aukera ematen duten web-esparruak nabarmendu behar dira, hala nola Nokia-ren Ovi izenekoa (https://files.ovi.com/sas/about).

 Testuaren zati guztiak hurrengo esteketan aurkituko dituzue:

1. ....: iKate :....: Irudiak webean gordez eta partekatuz: Azken saio praktikoan gure taldeak irudien inguruan jardungo zuela adostu genuen, azaroan, prakticumetik bueltan, ikasgelan jardueratxo bat...> Irudiak gorde eta partekatzeko web zerbitzua

2. (Nire zatia) > Hainbat gomendio

Ondorengo hauek, irudiak partekatzeko dauden hainbat gune ezberdinen inguruko informazioa emango dizuete:

3. Mabale: IRUDIAK PARTEKATZEA: Nire taldekideek irudiak partekatzearen inguruko esanahia, erabilpena eta ikasgelan kontutan hartu beharreko hainbat gomendio eman ondoren,...

4. Eguneratuzan/k: IRUDIAK PARTEKATZEA: 4.zatia (NONAME TALDEA):       Hemen gaude berriz ere, gaurkoan Irudiak partekatzearen gaia jorratuko dut, baina ez bakarka, taldean baizik. Gaiaren inguruan inform...

5. IKT G.O.1: IRUDIAK PARTEKATU (INFORMAZIOA):  Dumpt: 1 GBko gordetzeko tokia eskaintzen du. Irudiak zip formatuan (trinkotuak) edo paneletik aldiro 10 irudi kargatzeko auker...

NIRE IKT ESPERIENTZIA PRAKTIKALDIAN

Salbatore Mitxelena Ikastolan lh3.mailako ikasleekin praktikak egiteko aukera paregabea izan dut 5 asteetan zehar. Blog hau informazio eta komunikazio teknologien inguruko datuak publikatzeko erabiltzen dudanez, nire praktiketako IKT esperientzia kontatzeko aprobetxatu nahi dut.

Hasteko, beraien tutoreak ez du inolako formakuntzarik gai honetan, adintsua da eta ez da eguneratu teknologiari dagokionez. Klasean liburuak, fitxak eta arbela erabiltzen dituzte irakas-ikaste prozesuan.

Bestalde, informatika deituriko ikasgaia astean ordebetez bakarrik izaten dute eta askotan, beste ikasgai batzuetako materiala aurreratu behar dutela esan eta hau alde batera uzten dute. Honekin, ikasgai honi ematen zaion garrantzi eza ikus dezakegu.

Behingoz ordutegiari kasu eginez, irakasleak ordenagailu gelara joatea erabakitzen duenean, bertan, ordenagailu zahar, izorratu, blokeatuak eta oso mantso doazenekin aurkitzen dira. Hori dela eta, ez daude nahikoak guztientzat eta 2 edo 3naka jarri behar izaten dute haurrek.

Bertan, irakasleak Txanelako CD bat eman eta bertako jokuetan ibiltzeko esaten die, nahi izanez gero, bakoitzak bere entzungailuak ere eraman ditzake musika entzuteko. Baina ikasle hauei ez zaie ordenagailuak ematen dituen milaka aukera eta aplikazioetan ibiltzen irakasten. Gainera, Eskola 2.0ko portatil txikiak ere badituzte ikastolan, baina ez die inongo erabilerarik ematen.

Hau dela eta, ondorio gisa, Zarautzeko Ikastola honetan teknologiari ez zaiola garrantzi handiegirik ematen azpimarratu nahi izan dut. Zuek zer deritzozue? Nola landu daiteke Ikt-a eskolan haurrekin ? Baliagarri iruditzen al zaizue Salbatore Mitxelena Ikastolan ematen zaion erabilera?

ETA ZUK? ALTXA BEHAR AL DUZU BESOA?

Aurreko artikuluko gaiari berriz ere helduz, mugikorrekiko dugun menpekotasuna gaia atera da IKT-ko gelan. Horren aurrean, ikasleok gure iritzia eta esperientziak kontatu ditugu eta jarraian, irakasleak froga bat egin nahi izan du. Mugikorra mahai gainean ala eskuartean genuen ikasle guztioi besoa altxatzeko eskatu digu eta harrigarria izan da erantzuna. Ia gelako ikasle guztiok altxa dugu besoa, baita irakasleak berak ere. 

Askoren kasuan ez ginen erabili ere egiten ari, baina mugikorra gertu sentitzeko behar horrek eragin digu. Benetan hain beharrezko al dugu mugikorra? Ez dut uste!

Niri behintzat gaiak zer pentsa eragin dit eta zuei ere barruan zerbait eragitea espero dut!

EZIN DUT NIRE MUGIKORRA GABE BIZI, ETA ZUK?

Imaginatzen al duzu zure eguneroko bizitza mugikorrik gabe? Zer moduz moldatuko zinateke horrelako gailurik izan ezean? Zorionez ala zoritxarrez egoera hori bizitzea tokatu zitzaidan eta barregarria badirudi ere, galduta sentitu nintzen une horretan.  

Hona hemen zer gertatu zitzaidan: 

Udarako egun batean mugikorra lurrera erori eta izorratu egin zitzaidan. Konpontzera eraman behar izan nuen eta beste mugikor bat utzi zidaten bitartean. Hau ordea gailu zahar bat zen eta ez nuen aukera bertatik internetera konektatzeko. Beraz, mugikorrean ez nuen ez whatsappa, ez facebook, ez instagram, ez youtube, ez twitter... eta galduta sentitu nintzen. Mugikor horrek ez zuela ezertarako balio iruditu zitzaidan. Arazoak nituela lagunekin komunikatzeko eta denbora horretan gauza asko ari nintzela galtzen. Ez nintzela munduan gertatzen ari zenaz jabetzen zirudien. Lotsagarria da bai...

Lehen garai batean ordea, aparatu hauek deitzeko edo sms-ak bidaltzeko bakarrik erabiltzen genituen. Lagunekin geratu ahal izateko, telefonoz deien kate moduko bat egiten genuen, hau da, nik norbaiti deitzen nion eta zer egin adosten genuen. Ondoren, besteak hurrengoari deitzen zion eta horrela lagun guztiei abisua eman arte. Gaur egun aldiz, ohitura hauek galtzen ari dira teknologiaren aurrerapenak direla eta.

Teknologian aurrerapenak egotea ez dut esan nahi zerbait txarra denik, izan ere, ona dela uste dut gauza asko errazten dizkigulako. Baina erabilera egoki bat eman behar zaie, kontu handia izan behar dugu konturatu gabe menpekotasun handia sorrarazten digute eta. 

Zelatatzaileak eta zelatatuak III: (Irakasle naizenean)

Zelatatzaile eta zelatatuen gaia aurkeztu eta nire iritzia eman ondoren, irakasle naizenean honen aurrean zein jarrera hartuko dudan  azalduko dut jarraian. Hasteko, beharrezkotzat jotzen dut gaia ikasleekin lantzea, eguneroko bizitzan topa dezaketen gai bat delako. Gainera, errealitate honen eragina jaiotzen diren momentutik jasoko dute, txiki txikitatik kontaktu zuzena baitute IKT-arekin.

Bestalde, hezitzaileok ere formakuntza bat jasotzea ezinbestekoa dela uste dut, gu baigara gazteen eredu eta baita irakatsiko diegunak ere. Eta nola irakatsi gaia ezezaguna bada guretzat? Beraz, guk ere gaia kontrolatu eta jakintza izatea beharrezkotzat jotzen dut. 

Irakasle naizenean gailuek nola funtzionatzen duten irakasteaz gain, ikasleei hauei erabilpen on bat eman eta norberaren pribatutasunarekiko kritikoak izan behar dutela ikustarazten ahaleginduko naiz. Noski, honen zergatia eta ondorio kaltegarriez hitz egingo diet; beraien hausnarketa bultzatzeko, gure artean iritziak partekatuko ditugu; adibideak bilatuko ditugu... 

Zelatatzaileak eta zelatatuak II: (Hausnarketa)

Aurreko artikuluan zelatatzaile eta zelatatuen inguruan jasotako informazioa dela eta, hainbat galdera etorri zaizkit burura eta zuekin partekatu nahiko nituzke.

Denok dakigu zelatatuak garela, baina konziente al gara zein puntutaraino kontrolatzen gaituzten?  Eta behin hau jakinik, orain zer? Hemendik aurrera erresistentzia edo estrategiarik erabiliko al dugu kontrolatu ez gaitzaten? Ala ez dugu ezer egin behar?

Niretzat gaia ezezaguna eta beldurgarria da. Harrigarria egin zait hauek gugan duten botere izugarriaz jabetzea eta gai honen inguruan gehiago jakiteko gogoa piztu zaidala esan behar dut.

Ezinezkoa dela ohartu naiz gaurko gizartean erabateko erresistentzia egitea zelatatzaileei eta beraien guganako kontrolari. Baina neurriak hartu ditzakegukoan nago gutxiago kontrola gaitzaten. Esate baterako, ahalik eta datu pertsonal gutxien ematen ahalegindu beharko genukeela uste dut, perfil faltsuak asmatu ditzakegu gure datuak ematea sahiesteko, aplikazio batzuk kentzea erabaki dezakegu...

Baina nire aburuz, egin dezakegun gauzarik inportanteena, egiten ari garenaren konziente izatea da. Honekin zera esan nahi dut, gogoan izan behar dugula uneoro zelatatuak gaudela eta kontuan izan behar dugula zer jakitea nahi dugun eta zer ez. 

Egoera hau ikusirik, norberak hausnartu dezala nolako jarrera hartu nahi duen hemendik aurrera!

Zergatik zelatatzen naute ez banaiz inor?

Aurreko artikuluan sareak dituen arrisku eta kontrol ikaragarriaz hitz egin dizuet. Sinestezina da benetan gaur egun noraino kontrolatzen gaituzten, ez dugu ia bizitza pribaturik ere! 

Gaia interesgarria iruditu eta jakin-mina piztu bazaizue ikusi jarraian txertatu dudan ²Zergatik zelatatzen naute ez banaiz inor?² bideoa. Oso interesgarria da eta hausnartzeko baliagarria! Ea atsegin duzuen!

Zelatatzaileak eta zelatatuak I: (Atal deskriptiboa)

Gaur sarean dauden zelatatzaile eta zelatatuen inguruan idatziko dut. Izan ere, interesgarria iruditzen zait honen inguruan hausnartzea egunerokotasunean dugun gai bat delako.

® Nor ez da noizbait zelatatua sentitu?

Zelatatuok kontziente gara kontrolatuak gaudela, askotan noiz ez baldin badakigu ere. Zelatatzaileek badakite uneoro NON gauden, NOREKIN, ZER egiten ari garen, ZER garraio erabili dugun, ZEIN abiaduran goazen, NOIZ jaten dugun, noiz gauden lo, NORK deitzen gaituen, ZENBAT denboraz hitz egin dugun beraiekin, NORI biali dizkiogun sms-ak... Eta hori guztia mugikorraz baliatuta bakarrik; ez ditut oraindik ordenagailua, kalean dauden kamerak, karreterako radarra, karteran ditugun txartelak (NAN txartela, gida baimena, kreditu txartela)... aipatu ere egin.

Gure informazio guztia eskura dute (nolabait gordeta eta erregistratuta dute), nahi izanez gero, begiratu dezaketelarik. Beraz, erabat kontrolatuta gaudela esan genezake.

® Baina nortzuk dira gure zelatatzaileak? Eta nola zelatatzen gaituzte?

- Egela: gure nabigazioaren kontrola

- Google: Datu pertsonal guztiak

- GPS mugikorra: posizionamenduaren kontrola (ubikazioa)

- Banketxeak / kreditu txartelak (bestelakoak): diru datuen kontrola

- Sare sozialak: datu pertsonalak, noiz konektatuta, publikatutako argazkia, ubikazioa...

- Whatsapp: konexioaren azterketa

- Zerbitzuetako kamerak: gure mugimenduak

- Webcam (drone): sartu daitezkeelako

- Konpainia telefonikoak: lokalizazioa, erabilera...
- ...

BIG BANG DATA: Nire argazki sekuentzia

Hona hemen nire argazki sekuentzia, non, teknologia erabiltzen ez dudan 10 argazki ikusi ditzakezuen:

1. Argazki hau hondartzan ateratakoa da. Lagunek surf egiten irakatsi nahi izan ninduten, nahiz eta ez lortu, primeran pasa nuen lagun giro ederrean.

2. Argazki honetan nire magisteritzako lagun batzuekin agertzen naiz, hauek ni bezain eroak daudenez, elkarri aurpegiak pintatu genizkion ariketa bat buru ahal izateko. Hasieran, jendeak horrela ikustean lotsatu egin nintzen, baina primeran pasatzen ari ginela ikusi eta besteen iritziak alde batera utzi nituen. 

3. Kuadrilako lagunekin bartzelonara joan nintzen bertan ikasten ari den lagun bati sorpresatxo bat eman eta egun batzuk pasatzera. Bertan ikus dezakezuen paisaia Montjuic-etik ateratakoa da eta bertatik hiria ikus daiteke. Bidaia esperientzia polita izan zen niretzat eta inguruaz gozatzeko aukera izan nuen nire gertukoekin.

4. Familiarekin oporretara joan nintzen eta bertan parapentean ibiltzeko aukera izan nuen. Ez naiz oso ausarta horrelako kontuetan, baina ez nuen zalantzarik izan esperientzia hori bizitzeko. Gogotsu nengoen eta uste baina gutxiago beldurtu nintzen.

5. Irudi honetan ikus dezakezuen moduan, ²nutella² izugarri gustatzen zaigu, bai niri eta baita nire begirale kideei ere. Meriendatzeko ordua zela aprobetxatuz, txerrikeriak egiten ibili ginen, zerri egin da amaitu genuen, baina ederra zegoen eta tripa betetzea lortu genuen.

6. Begirale talde baten parte naiz eta gazte batzuekin jarduten gara lanean urte guztian zehar. Ekintza desberdinak egiten ditugu hauen heziketa bultzatzeko; kanpaldia, urteko saioak, asteburu pasak... Behean gazte zein begiraleek batera ateratako argazki bat ageri da. Boluntarioki lan egiten badugu ere, pertsona bezela bete egiten nau eta asko ikasten dut beraiekin. 

7. Nire urtebetetze egunean afaltzera joan nintzen lagunekin eta etxeratzerako orduan, kotxeruntz abiatu ginen eta begira zerekin egin nuen topo. Nire kotxea (euskarri bezela erabilita zerbait haundia delako eta ez teknologia moduan) koloretako ²postic²-ez beteta zegoen eta horietako bakoitzean zerbait idatzita zegoen. Ilusio handia egin zidan lagunek egindako sorpresak eta hare handiagoa bertan idatzitakoa irakurtzeak.

8. Egun aspergarri batean, zer egin eta nora joan ez nekien batean, lagun batek bere etxera gonbidatu ninduen. Bere bizilagunak saltoka ibiltzeko koltxoneta elastiko horietako bat dauka eta bertan ibiltzen utzi gintuen. Aspergarria izatera zijoan arratsalde hura, dibertigarria bihurtuz!

9. Musikako klasea amaitu ostean, gelakide bat txoroarena egiten hasi zen gitarrarekin eta nik darbuka bat hartu eta berarekin eseri nintzen. Musikariei imitatzen ibili ginen, instrumentua jo eta kantatuz. Barregarri izan zen eta primeran pasa genuen.

10. Azkenengo argazki honetan, Donostiako portuko bista zoragarria ikus daiteke. Arratsalde pasa joan eta begira zer nolako paisajearekin aurkitu ginen (ez du ez efektu, ez montajerik). Islari begira jarri eta gure gauzetaz pentsatu eta hitz egiten egon ginen.

Let her go - Passenger

Scribd plataforma erabiltzen ikasi dudala aprobetxatuz, nire kanta gustokoenetako bat blogean publikatzea erabaki dut. Espero dut niri bezain beste gustatzea!

Versuri Let Her Go by Petre Canciu

Kanta entzun nahi izanez gero, hona hemen linka: https://www.youtube.com/watch?v=RBumgq5yVrA

WEB 2.0

1.SARRERA

Komunikazio erabiltzaileen artean, aukera eman du gure gauzak egiteko eta gauzak sortzeko. Urteekin proiektua (entziklopedia britanikoa) zerbitzu (google) bihurtu (Web 1.0 eta web 2.0), gaur egun zerbitzua erabiltzaileentza eskaintzea.

2. WEB 2.0 

²Segunda burbuja² deitzen diote modan dagoelako eta ez delako benetan informazioa erabiltzeko helburuarekin erabiltzen.

3. WEB-AREN EZAUGARRIAK

     - Ez da unidirekzionala

     - Zerbitzuak eskaintzen ditu

     - Erabiltzailea da protagonista

     - Kolaborazioan lan egiteko aukera ematen du

Ezaugarrien osaketa:

     1. RSS zerbitzuak: informazioa gure ordez bilatzen dute, hau da, gu informazioa bilatzen hasi beharrean, RSS zerbitzuaren bitartez bilatzen dugu. Adibidez: egunkarien kultura arloa.

     2. Sortzaileak bihurtzen gara Web 2.0an

     3. Web 1.0 estatikoa da, aldiz, web 2.0a didaktikoagoa da

     4. Modu ezberdinetan hartzen dugu parte sarean: 

          - Indirektoki. Adib: me gusta ematen orrialde bati

          - Kontzienteki.

          - Oso konzientea: kolaborazioa da azkenengo helburua, sare sozialak beste pertsonen onurarako.

4. NOLA FUNTZIONATZEN DU WEB 2.0ak?

Elementu tekniko garrantzitsuenak:

     - Bilaketak

     - Estekak

     - Egiletasuna (denon esku) 

     - Etiketa (hitz klabe oso eraginkorra)

- Luzapenak. Adibidez: musika, guk sortutako play listak, liburu zerrenda bat...

     - Abixuak  

5. WEB 3.0

Gaur egungo arazo nagusia testuingurua da, bilaketa ugari daudela. Beraz, Web 3.0, gizakiaren ezaugarri gehiago edukitzea da, guk nahi dugun hori bilatzeko. Hau filtrazioa aurrera eramaten saiatzen da, Web 3.0ren adibide google plus da. Eta bere helburua, bilaketa efektiboagoak lortzea da, informazio bilaketa errazteko.

6. WEB 2.0ren KRITIKA:

Nork parte hartu beharko luke gauzak sortzerako garaian? Edukiaren kalitatea jetsi egiten al da edonork idatzi baldin badezake?

Denok eskubide berak ditugu eta geroz eta informazio aniztasun gehiago, hobekuntzak sortzeko aukera gehiago dago. Gure lana da informazio guzti horren artean erabilgarria dena hautatzea eta beste guztia diskriminatzeko gai izatea.

Aduna Herri Eskolako hitzaldiaren laburpen eskematikoa

Hona hemen Aduna Herri Eskolako hitzaldiaren laburpen eskematikoa, ea hauen metodologia ulertzen laguntzen dizuen. Esan beharra daukat gelako kide batek eginiko eskemetaz baliatu naizela, izan ere, lan bikaina egin duelakoan nago!

ADUNAKO HERRI ESKOLA

Iñaki Pagola izan genuen irailaren 29an magisteritzako eskolan. Bertan, Adunako Herri Eskolaren inguruko hitzaldi bat eman zigun bertako irakasle honek. Hitzaldia honako 6 puntutan banatu zuen: kokapena, eskolaren ezaugarriak, IKT eginbeharrak, heldutasun eredua, Google apps + drive eta azkenik,  esperientzia praktiko batzuk erakutsi dizkigu.

Aduna Donostiatik 1,5km-ra dago kokatua eta 400 biztanle bizi dira bertan. Eskola txikia da eta 68 ikasle besterik ez dituzte. 

Eskola honen ezaugarri esanguratsuena ez dituztela testu liburuak erabiltzen da. Lana proiektuen bidez egiten dute. 3 hilabetez behin aldatzen dituzte gaiak eta beti gauza berriak lantzen dituzte (gaiak ez dira errepikatzen). Gaiak ikasleek beraiek aukeratzen dituzte beraien interesen arabera, ez dute beti irakasleak esaten duena egiten. Eskolaren errealitatea IKT munduarekin oso lotuta dago.

Heldutasun ereduari dagokionez, hiru maila bereizten dira: hasierako maila, maila ertaina eta maila aurreratua. Adunako eskola hirugarren maila honetan kokatzen da.

Aplikazio desberdinak erbiltzen dituzte: classroom, google calendar eta drive izenekoak esaterako. 

Irakasle bileretan, idazkari bat izendatzen dute akta idazten joateko eta bilera amaitzean drive bidez bidaltzen die gainontzekoei. Horrela ez dira guztiak notatxoak idazten ibiltzen paperean, praktikotasuna bilatzen dutelarik. Iñakik paperean idazten ahaztuko zaiola dio sarritan.

Agenda digitala: Ordenagailuei esker ikasle guztiek erabili dezakete koaderno digitala eskolako ikasleak zeintzuk diren ikusteko, hutsegiteak begiratzeko, ebaluazio sistemaren berri izateko, agenda moduan, irakasleak jarri dizkien eginbeharra ikusteko, hurrengo klasean zer egingo duten jakiteko... Beraz, ez dute paperean idazten, guztia kuaderno digitalaren bidez egiten dute, baita etxeko lanak eta hauen zuzenketak ere.

Bloga: notiziak eta egindako lanak erakusteko erabiltzen dute. Baita Alkiza eta Berrobiko eskolekin elkarlanean aritzeko ere, hirurek idazten baitute blogean. 

Dropbox: argazkiak partekatzeko erabiltzen dute aplikazio hau. Horrela gurasoek eskolan ateratako argazki hauek ikusteko aukera dute eta nahi izanez gero deskargatzeko ere bai. 

Bideo grabaketak: bideo asko grabatzen dituzte eta grabaketa hauen bidez gauzak ikasten joaten dira. Gai desberdinak jorratzen dituzte, inglesa esaterako. Grabaketak ikasterako orduan oso baliagarriak direla diote, izan ere, gaia bera lantzeaz gain, teknologia desberdinak erabiltzen ikasten dute (ordenagailua, mugikorra, tableta, kamara, grabagailua, musika editatzeko programak...).

Iñaki Pagolak ²ondo pasas askoz gehiago ikasten da² esaldiarekin amaitu zuen hitzaldia!

Amara Berri Eskolako hitzaldiaren laburpen eskematikoa

Hona hemen Amara Berri Eskolako hitzaldiaren laburpen eskematikoa, ea hauen metodologia ulertzen laguntzen dizuen. Esan beharra daukat gelako kide batek eginiko eskemetaz baliatu naizela, izan ere, lan bikaina egin duelakoan nago!

AMARA BERRIKO ESKOLA

Irailaren 22an, Amara Berri Eskolaren metodologiaren berri jakiteko aukera izan genuen, Armandok magisteritzan eman zuen hitzaldi bati esker. Bertan, eskolaren sistema orokorra zein den azaldu ziguten, baina batez ere IKT gaia nola lantzen duten.

Eskola hau nabarmendu egiten da bere sistema eta metodologia propioak dituelako ikasleak hezteko garaian. Haurrek ikasgelan kontextu desberdinetako txokoetan antolaturik egiten dute lan. Ikasleak taldeetan antolatzen dira,  txokoz aldatuz joaten dira eta bakoitzean dagozkien zereginak burutzen dituzte. Gainera, ez dituzte testu liburuak erabiltzen.

Beraien ezaugarri berezietako bat ziklo ezberdinetako haurrak nahastuta egiten dutela lan da. Hau da, adin desberdinetako ikasleak batera elkarlanean aritzen dira. Honen arrazoia, zaharrenek txikienei laguntzeko aukera dutela da, elkarrekin ikasi eta elkarrekin lan egiten ikasten dute.

Ondoren, hedabideen berri eman ziguten. Amara Berriko eskola honetan, haurrak IKT munduarekin murgiltzeko, hedabide desberdinak erabiltzen dituzte; egunkari, irratia, telebista eta txikiweb-a hain zuzen ere. Txoko hauek haurrek beraiek antolatzen dituzte eta egunerokotasunean egiten diren gauzetan zentratzen dira, IKT-en mundua landuz. Zerbitzu hauek egunero daude ikasle guztientzat erabilgarri, guztiek hartzen dute parte eta bi hilabetez behin aldatzen dituzte hedabideak.

Hona hemen erabiltzen dituzten hedabideak:

-Egunkaria: Egunero ikasle guztientzat ale bat inprimatzen dute, bakoitzak bat etxera eraman dezan. Ikasle guztiek dute aukera txoko honetatik pasatzeko eta horregatik gauza oso desberdinak aurki ditzakegu bertan. Esate baterako, albisteak, entrebistak, txisteak, asmakizunak, argazkiak...

-Irratia: Irratia Amarako auzokideek entzun dezakete baina beraien Web orrian ere entzun dezakegu.

-Telebista: Amara Berriko ikasgela guztietan ikusten da, horrela guztien esku dago parte hartzea edo ikusteko aukera edukitzea. Irratiaren kasuan bezala, Web orrian ere ikusteko aukera badago. 

-Txikiweb-a: Astean bitan eguneratzen da  eta bertan mota askotako edukiak aurki ditzakegu: telebistan grabatutako programak, irrati lanak, plastikako lanen argazkiak eta baita eskolako ekintzen argazkiak ere.


EZ AL ZAIZUE IRUDITZEN AMARA BERRIKO SISTEMA HONEN BIDEZ HAURREK BERAIEN KABUZ IKASTEN DUTELA ETA ELKARLANAREN GARRANTZIAZ JABETZEN DIRELA?